![](https://ilchi.info/wp-content/uploads/2023/06/629071b3-3669-425c-b213-b046c3c98ea1-e1685706157767.jpg)
Вай гьантрай щалвагу Аьрасатнаву хьусса «Библионочь – 2023» акция 12-чинссар, вайкссара шиннур ва хьхьуну щалвагу билаятрал библиотекартту хьхьудяризаннин зий. Жулла республикалул библиотекарттайгу ва акциялул лагрулий хьунни личIи-личIисса батIавуртту, шадлугъру.
Ва хьхьуну хьусса луттирдал выставкарттай дия оьрмулул личIи-личIисса шиннардил буккултрансса, архивирттавасса ва ттизаманнул литература.
Акциялул яла чIавами гьурттучитуран куну, хIадур бувну бия хIазсса тIуркIурду ва мастер-классру. Акциялул лагрулий мукунма хьуна чичултращалсса ва шаэртуращалсса хьунабакьавуртту, «Дагъусттан – Расуллул дакI» тIисса выставка ва чIярусса цаймигу шадлугъру. Ва выставкалийн бавтIминнал итталун дагьлай дия гьунар бусса лаккудуш, балайчи, художник Жанна Кьурбановал давуртту.