Хъуннасса Ххувшаврил байрандалул кьадру ва хIурмат мудангу лавайсса бур Совет Союзрал кIийла Виричу АхIмад-Хан Султаннул цIанийсса МахIачкъалаллал аэропортрал зузалтрачIагу. Гьар шинах кунма, гьашинугу Ххувшаврил байрандалун хас дурсса акциялул лагрулий тIутIал шалка бивхьунни аэропортрайсса АхIмад-Хан Султаннул гьайкалдануцI.
Шикку гьуртту хьунни авиациялул ветерантал, аэропортрал ва аэропортрацIунсса идарарттал, погранконтрольданул отделениялул, «МахIачкъала» таможнялул пострал, аэропортрал линейный отделданул полициялул ва Прикаспийский ОВД-лул центрданул зузалт.
