[dropcap]В[/dropcap]ай гьантрай ЦIуссалакрал райондалул 1-мур ДЮСШ-рал чIава спортсментал бувкIунни Краснодардал крайрай Анапа шагьрулий хьусса регионндал дянивсса дзюдорал турнирданий гьуртту хьуну.

Турнирданий хьхьи­чIунсса к1ива кIану бувгьунни ЦIусса­лакрал райондалул ДЮСШ-рал спортсментурал: 2-мур кIану бувгьунни дзюдоист Рамазан КьурбанмахIаммадовлул ва 3-мур кIану Адам Муслимовлул.

Шиккува кIицI лаган, ЦIусса­лакрал райондалул ДЮСШ-рал тренертурал хъунмасса захIмат бихьлай бур оьрчIру спортрахун багьан буллай ва спорт ххирану тарбия буллай. Тренертурал даврил хIасиллугу спортсментурал ларсъсса ххувшавурттайну чIалан дикIай. ЦIуссалакрал райондалул спортсментурал тIурча, цурда ца нюжмар лях къалагай, личIи-личIисса соревнованиярттай гьуртту хьуну, хьхьичIунсса кIантту къабувгьусса.