Ккуллал райондалий мубараксса Рамазан зурун хасну хьунни дакI-цIимилул акция.
Райондалул имам МухIаммад-Маннар Бариевлул сипталийну ва «Инсан» фондрал чIарав бацIаврийну ахIвал кIюласса кулпатирттайх бавчIунни 100 чувал иникIмалул, макаронну ва личIи-личIисса ккурпа. Кумаг бунни гьарцагу кулпатрал хIал-ахIвал хIисаврайн лавсун: 25 кг иникIмалул, 5 кг макароннал, 10 кг хIуву качарданул, 10 кг ппиринжрал, 3 кг гречкалул, 5 л ххяххиялул нагьлил.
Ккуллал райондалул бакIчи Шамил Рамазановлул хъунма­сса барчаллагь увкунни райондалул духовенствалухьгу, ва давривух хIала-гьуртту хьусса цума-цаннахьгу.