Каспий хьхьирил зумардай ливтIуну лявкъусса тюленнаву лелуххантрал гриппрал вирус душиву исват бунни аьлимтурал. Дагъусттаннал паччахIлугърал университетрал экологиялул институтрал директор Аьлимурад ХIажиевлул бувсунни журналистътурахь ЯтIул луттирайн лавсъсса тюленну ларгсса шинал гъидайдихьулийгу вара гриппрал кьатI бувну лявкъушиву «Малый Жемчужный» тIисса жазиралий.
– Щаллагу дунияллий ва гриппрал штамм ппив хьуну най бур, ванил хIайвант, жанаварт кьатI буллай бур, хьхьирилмигу. Аляскалий хIатта цухьригума ва гриппрал бувтун бур. Каспийлул тюленнал бакIрачIангу вава кьадар бувкIшиву мяйжан хъанай бур. Ттигу хъиривлаявуртту дуллай буссару, амма аьщуйн щуну вана вари савав учингу ччяссар. Мукун учинсса хIуччарду бикIантIиссар, ва иширал хъирив лаллалисса программа бартдигьайхту. Жу «Компас» тIисса фондрал экспертътуращал ва вирусиртталсса буллалисса коллегахъащал уртакьну зий буссару, балжину инттухунмай бусанну тюленну литIаврил багьана ци хьуссарив, – тIий ур эколог.
ДакIнийн бутан, 2022 шинал декабрь зуруй 2500-нния ливчусса тюленну ливтIуну лявкъуссия Каспий хьхьирил зумардай.
