«Пушкинская карта» проект итабавкьуну шанна нюжмар гьаннин, мунил заллухъру хьунни 25 азара дагъусттанчу.

Программалул лагрулий жагьилтурал ххал бунни цалчинсса спектакллу: Лакрал театрданул «Тарс мютIи баву» ва Дагъусттаннал опералул ва балетрал театрданул «Прекрасная галатея».
Тамашачитурах вичIи диширча, Пушкиннул карталийхчил театрдавун букIлакIими чIяву хьун тIий бур.
«Жу «Госуслуги. Культура» приложениялий сияхIрай бацIайхту, гацIана дуллунни «Пушкиннул карта». Къулайну бур приложениялувура язи дугьан жува гьан ччисса мероприятие. ТIайламур бусан, утти­нин чIярусса мероприятиярттая жун къабавссия. Гъирарай бучIанну хъиривсса постановкарттайнгу. Шаназарда къуруш харж дан аьркиннихха шинал ахирданийннин», — тIий бия Лакрал театрданувун бувкIсса студентътал.
ДакIнийн бутан, мероприятиярттал афиша дур жура-журасса.
Сентябрь зурул 26-нний Оьрус­нал театрданул бихьлай бур спектакль «Тартюф».
Сентябрьданул 27-нний Лакрал театрданул ккаккан бан тIий бур «Легендарный комдив» тIисса спектакльданул премьера.
Сентябрьданул 28-нний Оьрус­нал театрдануву дайдихьлай дур Дунияллул халкьуннал миллатирттал театрдал кIилчинмур фестиваль.
Сентябрьданул 29-нний Дагъусттаннал опералул ва балетрал театрданул бихьлай бур спектакль «Аршин мал алан».