Сентябрь зурул 23-нний Москавлив гьар шинах шайсса «Качественная пресса и перспективы ее развития» тIисса форумрай бахшишру дуллунни «Золотой Фонд прессы – 2021» конкурсрай ххув хьуминнан. Барча унни республикалул даргири мазрайсса «Замана» кказитрал хъунама редактор Арсен Юсуповгу. Ххув хьуминнувух бур «Заманагу». Аьрасатнал регионнаятусса изданияртту гьуртту хьусса конкурсрай ва кказитран кьимат бивщуну бур темардал агьамшиву, информация цила чIумуй буккултрачIан биян буваву, тбуккултран хайр-мюнпат бушиву ва цаймигу тIалавшиннарду гьанулун ларсун. ДакIнийхтуну барча буллай буру жулва коллегахъул-чIаххул!
