![](https://ilchi.info/wp-content/uploads/2021/09/Muhammad-Majranov.jpg)
Дагъусттаннал муфти щайх АхIмад Апаннинал сентябрь зурул арулунний баян бунни МахIаммад Майранов Муфтиятрал председательну итансса хIукму бувшиву. Муфтинал барчаллагь увкунни уттинин ва даврий ивкIсса Шамил Аьлихановлухь ва цIуну ивтмананан тIайлабацIу чIа тIисса ихтилат бунни.
– На цума-цагу инсан муфтиятрал даврийн кьамул уллалийни, нава цIуну ивтманал кумагчи хъанахъишиву кIицI лагара. ХIакьинусса кьинилия тихунмай жува МахIаммад Майрановлул кумагчиталлу, – увкунни муфтинал.
ДакIнийн бутанну МахIаммад Майранов уттинин зий ивкIшиву муфтинал хъиривчуну. Ва динийсса просветитель хIисаврай машгьурну ушивруцIун, спортраву хьхьичIунсса ур. Январь зуруй жу бувсъссия Ставрополлай хьусса щалвагу Аьрасатнал грепплинграл турнирданий ванал цалчинмур кIану бувгьуну мусил медаль ларсъшиву. Бувсъссия мукунма самолётрал салондалуву ванал инжит хьусса хъамитайпа ххассал бувшивугу. Гьаннайсса, МахIаммад гьарца чулуха итххявхсса, хьхьичIун урувгсса, бюхъу-хIарачат бусса инсан ур.
ЧIа тIий буру МухIаммадлун цIусса давриву тIайлабацIу ва хьхьичIуннайшивуртту!