Август зурул 16-нний Ххунзахъиял райондалий республикалул БакIчи Рамазан АьбдуллатIипов, Ухссавнил Ккавкказуллал иширтталсса буллалисса министрнал хъиривчу Андрей Резников, «Сумма» группалул директортурал Советрал председатель Зиявуттин МахIаммадов ва цаймигу къуллугъчитал гьуртту хьунни курортрал-туристурал комплекс «Матлас»-рансса гьанулул чару бишавриву.

Му проектрал сиптачитал бур «Сумма» группа – строительствалул, телекоммуникациярдал, навтлил ва газрал секторданул ва цаймигу давуртталсса буллалисса холдинг.
Му проект бартбигьлай буван­тIий бусса бур 16 азарда квадратный метра дусса патирханалул комплекс ва кIиазарда кв. метр дусса арулва вилла. Цалсса 60 номер бусса патирхана буван дакIний бур, яла – 140 номер бувну, хъун буван.
«ТIабиаьт ххуйсса кIану бушав­рицIун, тарих, аьдатру, культурагу авадансса улча бур. Экологиялул марцIсса курорт бан къулайсса кIану бур, укунсса кIанттуяту хайр къалавсун битан къабучIия», — тIий ур «Матласрал» директортурал Советрал председатель Лоран Коломбани.
ЦIусса курорт бантIисса кIан­ттай гьанулул чару бихьлай, Да­гъусттаннал БакIчинал лавай­сса кьимат бивщунни Зиявуттин МахIаммадовлул дуллалимунин: «Зунттаяр ххуйссар так зунттурду, учай жучIава. На цамур куццуй учивияв: зунттаяр ххуйссар так зунтталчу. Дагъусттан цIулаган буллалисса даврил дайдихьу дунни хIакьсса зунтталчувнал, Зиявуттин МахIаммадовлул» — увкунни Р. АьбдуллатIиповлул.
Мунал барчаллагь кунни респуб­ликалул кьатIушав яхъанай бунугу, Дагъусттаннащал цIакьсса дахIаву думиннахь.
«Ва нанисса шинал хIасиллайн бувну, на «Шаппайнсса ххуллу» тIисса альбом итабакьав. Билаятрал личIи-личIисса регионнай яхъана­хъиминнахьгу, яла ххуймур ххуллу-шаппаймур ххуллур тIий ура. Да­гъусттан мякьну бур тIайлабацIулух, ттизаманнул проектирдах, ххарину инвестортал ва патриотътал кьамул буван хIадурссар» — увкунни респуб­ликалул БакIчинал.
«Матлас» бувну къуртал буван бакIрайн лавсун бур муниха зузиминнал 2017 шинал.