ЦIуссалакрал райондалий дайдирхьунни «Баян бува ажал бахлахисса кIанттул цIа» («Сообщи, где торгуют смертью») тIисса, щалагу Аьрасатнал акциялул цалчинмур бутIул даву.

Март зурул 15-26-ннийнин ЦIуссалакрал райондалий най бикIантIиссар акциялул цалчинмур бутIа. Акциялул кIилчинмур бутIа байбишинтIиссар октябрьданул 18-нния 29-ннийнин. Акциялул лагрулий наркотикру ва психотропный затру дусса кIантту, буллалисса инсантал кIул баву бакъассагу, жагьилтуран ми ишла бавриясса зараллая бусаву ва миннуя буруччаву агьамшиву дусса ишри.
Акциялул мурадгу хъана­хъиссар наркотикру ишла баврийн къарши буккаву, миннухун багьсса инсантал хъин баву мурадрайсса консультация ва реабилитация дан кумаг баву.
ЦIуссалакрал райондалийсса Аьрасатнал ОМВД-лул отделданул баян буллай бур наркотикир­ттаха зузисса фактру, ягу бахлайсса адресру хIисав хьурчан, миннуя бусаву яларай кIицI ларгсса телефоннайн: 99-48-23; 8 (828) 505 80 01 .