Март зурул 17-нния ЦIуминалийсса ЦIуссалакрал райондалул щархъавугу байбивхьуссар цIуницIакул ччюрк ххилай. Шиккува бусан, ЦIуминалийсса ЦIуссалакрал райондалул агьали хъунмасса хIаллай азурда хьуну буссия ччюрк духхайсса машинартту къабукIлай.
ДакIнийн бутанну, ччюрк ххилаххаву дацIан дурну диркIшиву региондалий миннуха зузисса оператортурал багьа цалий бацIан баннин. Утти райондалул щархъавасса ччюрк ххилан хIукму бунни Избербаш шагьрулийсса «Гринтау» тIисса полигондалийн. Ва полигон цуппагу бур му давриха зунсса лицензиялущалсса. Даву нирхирайн рутаву мурадрай, зун най бур хасъсса техникалущалсса бригадартту. ЦIуминалийсса ЦIуссалакрал щархъава ччюрк ххилантIиссар «Махачкала-1» МБУ. Мунийн бувну, ЦIуссалакрал райондалул агьулданухь тавакъю буллай бур, салкьи хьусса ччюрк, лази ларкьуну, машинарттайн лахъан дансса куццуй хIадур даву.
Щархъавух ччюрк датIлатIисса машинартту занантIий бур ччясса кIюрххил.
