![](https://ilchi.info/wp-content/uploads/2021/03/-Алиевич-scaled-e1614769221500.jpg)
Вай гьантрай жула хIурмат бусса, миллатрал оьрмулувусса гьарца иширттавугу гьар мудан чIарав ацIайсса, ДР-лул Жяматийсса палаталул председательнал хъиривчу Аьлил арс Аьбдуллаев Ссапарбаглун дуллунни Дагъусттан Республикалул Жяматийсса палаталул «За заслуги перед обществом» тIисса медаль. Ва дуллунни гьар шинах МахIачкъалалив батIайсса ДР-лул Жяматийсса палаталул пленардалул батIаврил лагрулийсса шадлугърай.
Медаль хъанахъиссар ДР-лул Жяматийсса палаталул республикалул агьалинал оьрмурду къулай бавриву чялишсса гьурттушинна дувайсса, граждан общество лядуккавриву мудангу хьхьичIминнавухсса вакилтуран дулайсса, лахъсса даражалул награда.
Ва награда цурдагу хъанахъиссар ДР-лул Жяматийсса палаталул цIуну сакин дурсса наградану. Ссапарбаг Аьбдуллаев хъанахъиссар ванил цалчинсса заллуну.
Ссапарбаг Аьбдуллаев Жяматийсса палаталул гьану бивзния шинай республикалул жяматийсса иширттавух унгу-унгуну гьурттушинна дайсса, республикалул агьалинал личIи-личIисса мурадру бартбигьавриву иширттайну ккаккан бувсса чуври.
Лакрал агьалинал цIания барчагу уллай, чIа тIий буру Ссапарбаглун цIакьсса цIуллушиву, каши-кьудрат. Муниярдагу лахъсса наградартту ларсун ккакканнав!
«Илчи» кказитрал редакция