![](https://ilchi.info/wp-content/uploads/2020/07/image00511.jpg)
[dropcap]И[/dropcap]юль зурул 1-нний увну ур Уручуллал шяравасса МахIаммадлул арс ХIажи МахIаммадов. Цалчинсса арс увсса кьини МахIаммадлул ва ПатIиматлул къушлий хъуннасса ххаришиву диркIун дур.
Гьашину ХIажинал оьрмулул 85 шин бартлаглай дур.
Ахъушиял райондалул жяматраву, Дагъусттаннал халкьуннаву ХIажи къакIулсса чансса лякъинссар. ЧIявучин ва кIулссар «доктор Польский» тIий. Ва цIагу ванацIун ларчIун дур оьрмулул 28 шинаву Польшанаву математикалул элмурдал доктор хьуну тIий.
ХIажинан 14 шин хьусса чIумал ивкIуссар вайннал ппу. ХIажинангу багьссар цаярва мюрщисса шама уссилссагу, ссилссагу буллан. Миннан буттал кIану бувгьуну, ччаннай бацIан бувссар, цинявннал ларайсса кIулшивуртту ласун бувссар. ХIажинал кумаг къабувсса кулпат Уручуллал шяраву нажагьсса къалякъинтIиссар. Ва бусравну ур, цала шяраву акъассагу, лагма щархъайгу, щалла райондалий ва республикалийгу.
Юбилейгу барча тIий, чIа тIий бур вин, хIурмат бусса ХIажий, цIуллушиву. Ина, вила оьрчIал-душварал, миннал оьрчIал ххари уллай, ща лихханнин итаннав.
Дулуннав каши, цIу-цIусса къуллугъчитал хIадур буллай ттигу зунсса вила даврий.
* * *
Вил хъирив нанисса
чIири никирахь
Хьувияв цалвагу бусан вияту –
Ина дурсса даву,
вил дакIнил аьмал,
Щалва Дагъусттаннан
вил бусравшиву.
ТIайлашиврул хьхьури
кIунттил дургьуну,
Мудангу даччинну
къаччисса ХIажий,
ДакIнил узданшиву,
бургъил нур кунна,
Мискин хьун къаритан
яхI бувсса ХIажий.
Ччарча гъан-маччанал
хIурматру бунни,
Кьини дурккуминнал
чIаравгу хьунна,
Бусрав къавхьуминнай
аьйгу къадунни,
Ттуршама хьуминнай
мяшгу къавхьунна.
Оьрмулул бавккусса
ххуллурдайх тачIав,
Тирххандарах луглай,
къалавгра ина.
Заннал винма буллу
кьисмат кьамулну
Винма хIалалсса ччатI
бувкуссар ина.
Пагьмулул заллугу инава уна,
Пахрурдал агъагу акъаяв ина,
Ас-намусрал ххуллий
тарбия хьусса,
Инсаншиву ххисса
инсансса ХIажий.
Ина ххирасса, вил хIурмат бусса дустурал,
гъан-маччаминнал цIания
Рамазан Кьадиев