![](https://ilchi.info/wp-content/uploads/2020/06/cxdxrgydr6vutg.jpg)
[dropcap]В[/dropcap]ай гьантрай на хьунаавкьуссияв Ккуллал райондалул азарханалул хъунама хIакиннал хъиривчу Буржунов Рашидлущал.
Ва ур цIуцIавуртту хъин дуллалисса давурттал жаваб дулайсса хъиривчу-хIакин.
ХIажимурад ХIусайнов
Ттущалсса кутIасса ихтилатраву Рашидлул бувсуна укунсса затру: Ккуллал райондалул азарханалий коронавирусрал цIуцIаву дирсса къашайшалт хъин буллан бивкIния махъ хъин хьуну, шавайн итаавкьуну ур 30 инсан. ХIакьинусса кьини азарханалий хъин хъанай усса ур 15 къашайшала, вайннава 2 усса ур захIматну къашавайсса. Къашайшалт азарханалийн буцин шяраваллавун лагайсса бур «Анаварсса медициналул кумаграл» машина.
![](https://ilchi.info/wp-content/uploads/2020/06/bbgyjnykkuiku.jpg)
[dropcap]Н[/dropcap]а Рашидлухь бувсъссия нава ва кьини зузисса медициналул зузалтрал сурат рищун ччай ушиву. Ттул мурад щаллу хьунни. Вайнна вай: хIакин Жалалова Бика, медсестра Илдарова Паибат ва санитарка Рамазанова Написат. Гьай-гьай, на вайннахьхьунгу буллуссия суал: «ЗахIматну бурив, бухлай бурув?» — куну. Зунттал хъаннил зумуну: «Къабухлай буру», — тIисса жаваб дуллуна вайннал.
Жула хIакинтал ва медсестрахъул ххув хъанай бур пасатсса цIуцIаврияр.