[dropcap]В[/dropcap]ай гьантрай Лакрал райондалул чулухасса ДР-лул Халкьуннал Мажлисрал депутат ЖахIпар Абуев увкIунни Лакрал райондалул азарханалийн.
Хъунама хIакин АьвдурахIин Дибировлущал ялтту увккунни «ятIул зоналий» хъин хъанахъисса коронавирус ва пневмония дусса къашайшалтрал, бунни миннащал яхши-хаш. Депутатнан ккавккунни цукунсса шартIирдай зий буссарив хIакинтал, ци сакиншиндарай дуссарив диагностикалул ва къашайшалт хъин баврил даву. Барчаллагь увкунни хIакинтурахь, жард къакуну лавмартсса цIуцIаврищал талай бушиврухлу.
Депутатнал махъ буллунни ванияр тихунайгу райондалулгу, азарханалулгу чIарав ацIлансса. Ванал кIицI лавгунни зунттал районнай цIуллу-сагъшиву дуруччаву хьхьичIуннай шаврих паччахIлугърал хъуннасса къулагъас дуллай бушиву. Вихшалагу дирхьунни чIал къавхьуну коронавирусрал цIуцIаву духлагантIишиврийн.
Зулайхат Тахакьаева
