Ларгсса шинал ахирданий журналистътурал залдануву хьуну бивкIссар шяраваллил кIанттурдай яхъанахъисса халкьуннал цаппара категориярттансса социал куклушиннардан хас бувсса конференция. Му конференциялий бивкIссар КIулшиву дулаврил ва элмулул, захIматрал ва соцразвитиялул министерстварттал вакилтал. Ххалбивгьуссар кIай ялув кIицI лавгсса категориярттавун багьлагьисса инсантал (учительтал, пенсионертал,…) цанна дагьайсса, ва махъ цал ттигу тикрал банна (ДАГЬАЙССА) ччуччиялул дузал баврил масъала.

Шяраваллил кIанттурдай яхъанахъисса халкь дагьайсса ччуччиялул
дузал баврил масъала.

Шикку цукунчIавсса бяст-­ччал ми ччуччия дагьа-къадагьаврия бикIан къабю­хъайссар: закондалийн бувну, дагьлагьиссар. ЧIал хъанахъисса ми дулавур. ЧIал дуллалавривугу духьунссар ца хIилла. КъакIулли. ХIилла дакъасса царагу даву ялун личлай дакъар. Яла хъунмур тахсиргу жуйвар бусса. Жувару жунна дагьаймур тIалав къадуллалисса. Жувару тIалав дан къакIулми.
Амма ва конференциялий гьуртту хьусса лавайсса идарарттал вакилтурал «зун дагьайсса ччуччиялухсса компенсация цан къабуллай буссарив жу ххалбанну ягу къабанну» увкуну, дакIцIуцIаву дурну дакъарча, «Ва суал я КIулшиву дулайсса министерствалийн, я ЗахIматрал министерствалийн къабагьайссар», — увкуну бур. Хъинниха муксса «кумаггу». Муксса «аякьагу». Учительтуран ва учительталну зий бивкIсса пенсионертуран. Щил хъуслий цу аьтIий ур!
Шикку аьркиншинна чIалай дакъар цумур закондалийн бувну, ми ччуччия я цирда (Совет заманнай кунна, дуккаврил шинал дайдихьулийра), я миннух­сса компенсация багьлай буссарив чичлан. Цимилгу чивчунни ми законная. Ча, ва масъалалул чулухуннай аьркинну дур цамур закон.
Хъинну хIарачатрай зун бувкIун буссар районнал бакIчитал. ХIукуматрал тIунулучIан (кор­муш­калучIан) гъан хьун бусса хIарачат бай (биллай, талай, хIатта кувннал кув литIлай), гъан хьувкуннив, байл­ссаннуй ятту кунма, паракьат шай. Миннайнну жува тIисса кIантту- кIанттурдай каялувшиву дуллалими (местное самоуправление). Миннайн учайссар ялагу районнал бакIчитал. Миннайн хъарссар районнайсса гьарца оьмур-хъинмунилсса буллан. Булланну тIийри ми къуллугъирттай багу бавцIусса. Цаягу акъа­ссар къаччайна му къуллугърай ивтсса. Цаягу акъассар, ай, захIматсса даву дур, къа­чча, укьанна тIиссагу. Минная ливчуну махъ, ми масъалартту багьайссар районнал соцзащиталул управлениярттайн. Ххал бара: цIусса шинал барз байбивхьунни (кIидядизу), амма цаягу урив я райондалул бакIчитурава, я соцзащиталул управленияр­ттал чулуха ччуччиялухсса компенсация ласун нанира тIисса? Цанни зу ми къаласайсса тIисса урив? Жуятура ласаймур гьаксса анаварну ласай. Жунна дулаймур, ва багьана, та савав тIий, ччиссаксса лахъи лаган дай. Тамашасса билаят бакъаривла жулва билаят!?
Закон аьркинни укунсса. ЦIусса дуккаврил шинал дайдихьулий, сентябрь зурул харжирая байбивхьуну, учительтуран ччуччиялухсса компенсацияр­тту харжирдал ведомостьрайн багьан буллан, пенсионертуралсса – мува зурул пенсияр­ттащал буллан.Яла залуннал я хъуручI ласунссар, я тIама ласунссар, ягу – муси. Цанна ччимур. ЦичIаврагу къаласурчагу, микку лях ухлан ихтияр щихь дуссар? Залуннал (льготникнал) цанма ччимур цалва банссар. Акъану, я Буйнакскалийн, я Бущихъив ччуччия ларсъсса квитанция ласун цинявппа учительтал ва пенсионертал гьан аьркинссар тIутIаву цукунсса тагьарди? Дагъусттаннал щархъаву 64508 учитель усса ур. Яла пенсионертал-льготниктал, медициналул зузалт, гъаттарал хIакинтал… Лажинни вай цинявппа ца кьюкьлий бавцIуну, машинарттугу багьлух бувгьуну, ччуччия ласун, та Бущихъив ва Буйнакскалийн гьан багьарча ( анжагъ ца апатI-балаллунсса квитанция ласун), му цукунсса «аякьар» Дагъусттаннал хIукуматрал льготниктураха дуллалисса? Ши­кку кIицI лаган аьркинни ца укунсса зад. «Новое дело» кказитрай укунсса чичрурду дур: «Надо также учитывать и то, что согласно Постановлению Правительства, чтобы получить компенсацию, закупать топливо необходимо у фирм, которым цены устанавливает региональная служба по тарифам (РСТ). На данный момент таких организаций только две – ООО «Дружба» и Буйнакское топливное сбытовое предприятие»( М.Мурадов «Льготы есть, льготников нет», 06.12.13.). КIай «надо также учитывать…» тIисса махъру ливчуссар республикалул соцразвитиялул отделданул начальникнал зумату. Ттул мурад кIай махъру увкуманал зумувва зана битаву бакъар. Амма кIай махъру увкуну бур «на тIимурди тIайламур» тIисса мяъналий, яни оьруснал учайкун, «истина в последней инстанции», тIисса кунма. Гьарца инсан вих хьунгу бюхъай. Вана ва кIанттаву на тIий ура: на юрист акъара. Акъахьурчагу, цал ттигу оьрусрай учинна (багъишла итанхьува миллатрал): очевидные вещи в доказательствах не нуждаются. Журналистътурал дяниву кIукун категоричнайну «надо учитывать…» тIий, цалва цалий къабавцIусса пикри цайминнай ялув бухIлан аьркиншинна дакъассар. Цанбакъарча, кIа Постановлениелул (Постанов­ление Правительства Республики Дагестан от 28 января 2011 года № 20) тIалавшиннарду кIанияргу махъ цамур Постановлениелул (Постанавление Конститу­ци­он­ного Суда Республики Да­гес­тан от 25 апреля 2012 года) къатIайлашиврий, Дагъусттаннал Конституциялийн къаршину дуклай душиву ккаккан дур­ссар. Му масъалагу Дагъусттаннал Конституционный судрал ххалбивгьуссар цанна ккаккан дурсса коммунальный льготарду дуллай бакъар тIий, учитель Г. Г. Зайнуттиновлул чивчусса аьрзирайн бувну. Лажинни, ларайсса ведомствардал къатIайласса хIукмурду кьамул буллалаву савав­рай махъсса жямат судирттайх буклан аьркинссарив? Къааьркинссар. КIа Дагъус­ттан ХIукуматрал Постановлениелуву (№20) чивчумунийн багьлагьиссар Дагъусттаннал Консти­туционный Судрал Постановлениелувусса махъ­ру: «что в Российской Федерации не должны издаваться законы, отменяющие или умаляющие права и свободу человека…». КIава Г.Г. Зайнуттиновлул аьрзирайн бувну, Дагъусттаннал Конституционный Судрал хIукмулувасса ца-кIива махъ ттигу чичин багьлай бур. Вана ми хъинну агьам­сса махъру: «Таким образом, в ходе судебного исследования установлено,что значительное количество граждан, пользующихся печным отоплением и имеющих право на компенсацию расхода на приобретение твердого топлива ЛИШЕНО ВОЗМОЖНОСТИ приобрести топливо по розничным ценам с получением предусмотренных Постановлением Правительства Республики Дагестан документов, подтверждающих указанные расходы, поскольку в сельскую местность и поселки городского типа, где проживают и работают лица, имеющие право на получение компенсации расходов… твердое топливо в достаточном объеме не заво­зится. В этих условиях заявитель и другие педагогические работники фактически лишены возможности воспользоваться предоставленной мерой социальной поддержки, то есть ранее достигнутый уровень их социальной защиты УХУДШЕН, что НЕСОВМЕСТИМО с требованиями, вытекающими из статей 21,40,48 и 55 Конституции Республики Дагестан».
Ххалбарча, кIа макьала чирчуну дур ларгсса шинал декабрь зуруй. ЦачIу бишинну сайки кIива зурул мунияргу хьхьичI дунияллийн бувксса хIукму. «Чтобы определить в какой топливо снабжающей организации приобретать топливо, необходимо сравнить цену за 1 т. угля в строке вашего района и цены топливоснабжающей организации». Шичча чIалай бур цайми-цайми ччуччия даххайсса организациярдангу РСТ-лул багьри ккаккан бувну бушиву. Му мяйжаннугу мукун бусса чIалай бур, укунсса Постановление бувккукун: «Постановление РСТ РД от 27.09. 2013 № 28 «Об установлении тарифов на коммунальный ресурс – твердое топливо, реализуемое населению Республики Дагестан, также управляющим организациям, товариществам собственников жилья, жилищным, жилищно-строительным или иным специализированным потребительским кооперативам, созданным в целях УДОВЛЕТВОРЕНИЯ ПОТРЕБНОСТЕЙ ГРАЖДАН в жилье»( Зарегистрировано в Минюсте РД 24. 10. 2013 № 2580)». Му Постановлениелул махъ укунсса чичру дур: «Руководитель республиканской службы по тарифам РД У. Амирханов». Дагъусттаннай ми топливоснабжающие организации ккаккан дурну дур сайки 49. Ккаккан бувну бур микку ба­ххайсса хъуручIул ва даххайсса цайми ччуччиялул багьри. Дур миннувух Ахъушиял, Гъумучиял организациярдугу. Нава чичлачимур багьандарансса, бачIва махъну къачIалан, чичинна кIива мисал.
КIа ялув кIицI лавгсса Поста­новлениелул цалчинмур пункт­рай чивчуну бур: «Установить и ввести в действие со дня вступ­ления в силу настоящего Постановления тарифы на коммунальный ресурс – твердое топливо… согласно приложению №1 к настоящему постановлению».
3. Настоящее Постановление вступает в силу в установленном порядке».
КIа Постановлениелувату на ласав укунсса тарифру:
№№п/п // Муниципальное образование марки угля // стоимость в руб за 1 т.
4. Акушинский район // АМ/АС // 5808,82/5707,81
5. Лакский район // АМ/АС // 5808,82/5707/81

Бюхъайссар цаппара­сса ор­ганизациярдай ччуччия къадикIангу. Амма кIава М. Мурадов ялагу чичлай ур кIара макьалалуву:«Такое малое количество фирм связано с тем, что сами организации не обращаются в службу установления цен». ЦIуххин багьлай бур: «раз «сами не обратились за установлением цен», кIай организациярдайсса ччуччиялул багьри РСТ-лул цукунни ккаккан бувсса? Гьаваллаварив лавсъсса? Юх, гьаваллава шикку цичIав къаларсъссар. Гьаваллава лавсъссар щялмахъру. Му нава тIимур тIайласса бушиву ккаккан бан, чичинна укунсса зат ттигу кIа ялув чивчумунил ялун.
«Состоялось заседание Правления РСТ Дагестана по вопросу установления тарифов на коммунальный ресурс — твердое топливо, реализуемое топливоснабжающими организациями (индивидуальными предпринимателями) населению Республики Дагестан. 27.09. 2013г. По итогам заседания Правления РСТ были приняты следующие тарифы (на шикку, лахъи къагьан, тарифру чичлай акъара – И. ХI.). По результатам представленных в РСТ Дагестана ЗАЯВЛЕНИЙ и ОБОСНОВЫВАЮЩИХ материалов тарифы на твердое топливо – коммунальный ресурс на период 2013 – 2014г.г. утверждены для:
— ООО «Фирма – МКС»;
— ИП Даудов Магомед Хали­магомедович;
— ООО «Межрайтопснаб»;
— ООО «Дагтоппром»;
— ОАО «Дагестантоппром».
Ванахха «обратиться» хьуну «за установлением цен».Цурда РСТ-лул заседаниегу хьуну дур сентябрь зуруй. Яла ци бур ши­кку жува хъирив къалаянсса зат? Хъирив къалаллалимур укун­ссар: цанни прокуратуралул агьалинан дагьаймур цила чIумал къадуллалисса инсан даврий итлатисса ва цанни мукунманал хIакъираву уголовное дело сукку къадуллалисса?
Цурда му квитанция щинни аьркинсса, му щил хьхьичI отчет данни аьркинсса? Райондалий буцири учительтурал, пенсионертурал ва цаймигу компенсация багьлагьисса инсантурал сияхI дикIан аьркинни райондалул бакIчиначIа, ягу Управление Социальной Защиты ( УСЗ) тIисса районнал ведомствардай. Мунахха щалла отчет: вайксса инсантал, вайксса миннан дуллусса арцу. Мукун дулунсса арцу соцзащиталул управлениярттай муданна дуссар. Дакъахьурча, цукунни миннал Буйнакскалияту ва Бущихъату ччуччия ларсъсса квитанцияртту думиннан компенсациярттал арцу дуллалисса? Циванни инсантал инжит буллан ? Куклушинна дикIайсса бигьасса ва куклусса дакъарив!?
Исмяил ХIусманов, ш. Бархъал — ш. Москав