2013 шинал «РусГидро» ОАО-лул Дагъусттаннал филиалданул 5 млрд. 209 млн кВт. электроэнергиялул итабавкьуну бур. Тарифиртталсса буллалисса Федерал къуллугърал пландалийну ласун ккаккан бувсса 38,53% ялун жула филиалданул 7,47% ххину бучIан бувну бур. Энергетиктурал бусаврийн бувну, ларгсса шинал хайрну ишла бансса 5161, 39 млн кВт.ч электроэнергиялул бучIан бувну бур.

Ласун ккаккан бувссаннуяр гьарзасса энергия ласаврил савав дур духмур шинал Сулакь нех дурцIуну най дикIаву ва филиалданул электростанциярду цIубуккан бувну, ми цила багьайкун зий бикIаву. Вайми шиннардий дурсса хъиривлаявурттах бурувгун, «РусГидро»-лул Дагъусттаннал филиалданул циняв гидростанциярду бусса Сулакь неххай духмур шинал 4% щин гьарзану диркIун дур, мигу хъанахъиссар 180 куб.м/сек.
2013 шинал дурсса хIасиллайн бувну, яла чIявусса электроэнергия итабавкьуну бур августрал 5-сса кьини, мигу 27,998 млн.кВт.ч.
ЦIана гьарца кьини гидростанциярдал аьмну итабакьлай бусса бур дянивну 9,33 млн кВт.ч. Сулакь неххай нанисса щин хIакьинусса кьини дусса дур 65 куб. м/сек. Вай чIяруссар хьхьичIми шиннардих бурувгун 8,2 %. Гидрометцентрданул бусласимунийн бувну, январь зуруй дянивну Сулакьрайсса щинал 54-58 куб м/сек. душиву кьаралданийсса тагьарди.
ХIадур бувссар З. АьбдурахIмановал