Дагъусттаннал агьалинаща 2ГИС тIисса мобильный приложениялийн бувну регионнал дянивгу Аьрасатнал карта ккаккан дуллалисса навигатор ишла дан хьунтIиссар.
МахIачкъалаллал 2ГИС филиалданул коммерческий директор Малик Салимхановлул бувсунни утти шагьрурдая шагьрурдайн бияннинсса кIанттурдайгу карталул навигатор зунтIишиву.
Имара Саидова
Утти ва приложениялуву шагьрурдал дянивсса дазурду дакъассар, карта ишла даврийну бюхъантIиссар чIахху-чIаравсса регионнайнгу занан. Карталул цIушиннардайн бувну ишла дуллалиманаща бюхъантIиссар шагьрулувусса информациялул сервисрая кIул бан.
«Ва карталий буккан бувсса цIусса функциялийну хъунмасса кумаг хьунтIиссар цала машинарттай ччя-ччяни шагьрурдая шагьрурдайн заназисса инсантуран. Масалдаран, утти Дарбантуллал ва МахIачкъалаллал агьалинаща 2ГИС навигаторданул кумаграйну, чIаххуврайсса Грозныйлия тIайла хьуну, Москавлийн ва цаймигу Аьрасатнал шагьрурдайн бякъайкьуну биян бюхъантIиссар», — тIий, буслай ур Салимханов.
Приложение цIу дуккан даврийну цIусса маршрут ккаккан даншиврул гьассар так экрандалийн кIисса щун баву.
2ГИС приложениялул филиалданул пресс-службалул баян бунни ва карталий 50 азарунния ливчусса АЗС, кафе, гостиницарду, азарханарду, банкоматру ва цаймигу инфраструктуралул объектру лахъан дурну душиву.
