[dropcap]В[/dropcap]ай гьантрай Беслан шагьрулий накьлу хьунни Феликс Тотиев. Суратрай Феликс ур 2004 шинал сентябрьданул 1-нний Бесланнай 1-мур школалий хьусса терактрал зулмулухьхьун бирив­сса 6 цала оьрчIал оьрчIал гьаттал хьхьичI.

Ванал, ялун ливксса бала-апатIрал хьхьичI ник къарирщуну, дард-хIасратгу дурхIуну, паччахIлугърал дуллалисса арцул компенсацияр­ттаягу махъаллил хьуну, яхI кьацIул бувгьуну бувт­с­сар оьрму. Ванан духIан багьмур жунна къакка­кканнав, Феликслул гьав нурданул дуцIиннав, рухI алжаннул ххари даннав!

ДакIнийн бутан: 2004 шинал сентябрьданул 1-нний Бесланнал 1-мур школалий дуклакисса оьрчIру, миннал нину-ппу, учительтал – цинявппа 1128 инсан ширишилун бувгьуну бивкIссар. Ххассал буллалисса спецоперациялуву ивкIуссар 334 инсан, миннава – 185 оьрчI. Мушакъат хьуссар 72 оьрчI, 800-ннайн дирссар щавурду.

Р. Къардашов