[dropcap]Ж[/dropcap]ул редакциялул щалва коллективгу, буккултгу ххари бувансса хавар баян бунни вай гьантрай Москавлия – щалвагу Аьрасатнал лагрулийсса «СМИротворец – 2019» тIисса конкурсрал лагрулий
финалданийн бувккун бур «Илчи» кказит – «ЧIимучIали» тIисса оьрчIансса рубрикалул заллу хIисаврай.
[dropcap]В[/dropcap]а миллатирттал масъаларттугу, миллатирттал дянивсса арардугу СМИ-лий аьч дуллалисса кказитирттан, радио-телевидениялун, Интернет-изданиярттан ва хасну ми темардаха зузисса журналистътурал даврин кьимат бишлашисса конкурсри, Миллатирттал иширтталсса буллалисса Федерал агентствалул, Журналистикалул гильдиялущал уртакьну буллалисса.
Кьунияхъайсса шиннардил мутталий оьрчIансса «ЧIимучIали» чIиви кказитраха зий буссар жул гьунар ххисса журналист ПатIимат Рамазанова. Конкурсрай ххув хьуми барча буллалисса шадлугъ дикIантIиссар Москавлив ва зурул 25-нний.
