Сентябрьданул 24-нний Дагъусттаннал БакIчи Владимир Васильев хьунаавкьунни 2019 шинал лачIун буккаврил дунияллул
чемпионатрай ва боксрал дунияллул чемпионатрай ххув хьуминнащал ва заварду ларсминнащал, миннал тренертуращал.
Владимир Васильевлул барча бунни хьхьичIунсса кIанттурду бувгьусса Дагъусттаннал спортсментал. Мунал тIимунийну, дагъусттанлувтурал ххувшавурттал цIакь дуллалиссар республикалул бусравшиву. Ми жяматийсса ва сиясийсса иширттаву гьуртту шаврийну региондалул лябуккулунгу тамансса кумаг хъанахъиссар.
Физкультуралуву ва спортраву хьхьичIуннайшивуртту хьун давриву бивхьусса захIматрахлу ва спортраву лавайсса даражалул хIасиллу хьун даврихлу Владимир Васильевлул спортсментуран ва тренертуран дуллунни паччахIлугърал наградартту.
ХIадур бувссар
ХI. Аьдиловлул
