[dropcap]С[/dropcap]адикирттавун заназисса 15 оьрчI уттигу хъин хъанайнма бур Дагъусттаннал азарханардай. Ми уттубишин бувссар апрельданул 10-нния 19-ннийнин, дукралийну загьрулул хьушиврул лишаннащал.
Республикалул Минздраврал вакил Залина Муртазялиевал баян баврийну, кумаг чIа тIий бувкIссар 70 оьрчIал нину-ппу. Садикирттавун заназисса 22 оьрчI уттуишин увссар, миннал бачIиксса хъин хьуну бур, кIулну бур къашавай хьусса оьрчIал бачIи Дружба шяраваллил садикравун занай бивкIшиву. Къашавай шаврил савав цIана кIул дуллай бур.
Дагъусттаннай укунсса иш хьуссия мартрал ахирданий. Хасавюртлиясса 100-нния ливчусса инсантал къашавай хьуссар, миннал бачIиксса бивкIссар оьрчI-бакI. Ми цинявннал диркIссар цара ца азар – ххюттуканил инфекция (ОКИ). Эпидемиологтал дакI дарцIуну бур азар хIачIайсса щиная лархъун диркIшиврий.
Махъсса зурдардий Аьрасатнал СМИ-лул хъуннасса къулагъас дуллай бур оьрчIал ххюттуканил азардах. Мунил савав хьуссар ларгсса шинал ахирданий Москавлив 57-мур школалий дуклаки оьрчIру дизентериялул къашавай шаву. КIул бувну бия азар лархъун диркIшиву «ЧаплыгинМолоко» тIисса Липецкаллал комбинатрал накIлия.
ХIадур бувссар
ХI. Аьдиловлул
