[dropcap]М[/dropcap]артрал 15-17-нний Бакуй хьунни ММА-лул WFMC версиялийсса профессионалтурал дянивсса Дунияллул кубокрал цIанийсса бяст-ччаллу. Кубок лавсунни Дюхълиятусса Арслан ХIасановлул.

Февральданул 1-нний бувк­сса «Илчилий» жу чивчуну буссия Арсланнул хьхьичIуннайшивурттая. Миннувасса цаппара дур укунсса: дукIу декабрьданий Арсланнул Бакуй лавсъссар грепплинграл ва ММА-лул чемпионатирттал кубок, гьашину январьданий Гуржиянаву лавсъссар ММА-лул Дунияллул кубок. Утти – ММА-рал профессионалтурал кубок.

Ва ххуллух Арслан ххув хьунни Азирбижаннаясса ХIасанли Эльмуттиннуяр цалчинмур раундрайва технический нокаутрайну, 80 килорал кIушиврий.
Лакку оьрчIал тренерталну бур Гьарун АхIмадов, Зайналбек Зайналбеков ва Аьбдулманап НурмахIаммадов.