ДР-лул Россельхознадзорданул управлениялул зузалтран дикIул ккурккимайнттаву (колбасарттаву) лявкъуну

бур дунгъузрал ДНК. «О безопасности пищевой продукции», «О безопасности молока и молочной продукции» тIисса Таможнялул Союзрал регламент дуруччаврийн бувну, Россельхознадзорданул управлениялул зузалтрал 90-ннийн дирсса журалул дикIул ва накIлил продукциялул марцIшиву ххал диргьуну дур.

Ставропольлал областирдал дянивсса ветеринариялул лабораториялийн тIайла дурксса 15-хъул журалул продукциялуву ляркъуну дур ккаккан дурсса тIалавшиннарду биттур къадурну итадакьлакьимур. Щилтагъмунил сияхIрай дур Аьрасатнал Федерациялул субъектирдал (миннувух Дагъусттанналгу) предприятиярттал итадаркьусса цаппара продукциягу.
ЖучIара дуллалисса «Южанка» тIисса цIу бакъасса нацIу дирщусса дарцIу нагьливу ва «Российский» тIисса кьянкьа нисираву ляркъуну дур бета-ситостерин тIисса, инсаннал чурххан зарал бусса аьгъушиву. «Султановская» тIисса колбасалувугу лявкъуну бур заралсса антибиотик, «Дюбуа» тIисса шархьсса колбасалуву лявкъуну бур дунгъузрал ДНК.
Ялув кIицI ларгсса дукиялул хIакъираву информация гьан бувну бур предприятиярттал даву дацIан дан ихтияр дусса Федерал къуллугърайн. ХIакьинусса кьини, Росаккредитациялул хIукмулийн бувну, продукцияртту итадакьаву дацIан дурну дур.
ХIадур бувссар
Имара Саидовал