ДР-лул Счетнал палаталул ххал диргьунни 2018 шинал дурсса давурттал хIасиллу.
Ларгсса шинал Счетнай палаталул дурссар 97 контрольданул, экспертизалул ва аналитикалул давуртту, ххал диргьуссар 333 зузи идаралул ва организациялул давуртту. Ялун личин дурссар бюджет дузал ва биттур баврил ххуллийсса диялдакъашивуртту, бухгалтериялул хIисав-ккал даврил ва мунил финансирттал отчет дулаврил паччахIлугърал хъуслий каялувшиву даврил ва ми ишла даврил чулухасса, мукунна паччахIлугърал арцу мюнпат бакъа ишла даврил чулухасса диялдакъашивуртту.
Законну лиян дурну ишла дурсса 137,4 млн. къурушрал зана бувссар бюджетирттавун. ТIиртIуссар 253 административ дело аьдлу-низам лиян даврил хIакъираву, дирхьуссар 1,06 млн. къурушрансса аькIри. Жавабрайн кIункIу увссар 167 къуллугъчи, миннавасса 51 укьан увссар къуллугърая.
Ларгсса бюджетрал ва арцу харж даврил бутIуву дурсса профилактикалул давурттайну 2018 шинал чан хьуссар, 2017 шинах бурувгун, ялун личин дурсса диялдакъашивуртту 2 млн. ва 859 азарда къурушрал (23,4%). Счетная палаталул МВД-лул органнащал цачIу ашкара бувссар 88 закон лиян дурсса ишру, тIиртIуссар 12 уголов дело, хьуссар 4 судрал хIукму, лирчIми материаллал хIакъираву силисттарду найнма бур.
ХIадур бувссар
ХI. Аьдиловлул
