ЧIяйннал магьирлугърал къатраву хьунни студентътуращалсса хьунабакьаву.
Хьунабакьаврийн бувкIун бия библиотекалул зузалт, школалул дуклаки оьрчIру, шяраваллил инсантал, каникуллай шяравун бувкIсса АьвдурахIманов Шамххала ва СутIаева Гуржигьан. Хьунабакьаву тIиртIуна магьирлугърал къатлул хъунмур Алхасова СалихIатлул. Ихтилатру бувна ЧIяйннал шяраваллил бакIчинал хъиривмур Апанниева ПатIиматлул, захIматрал ветеран Мамедова Басиратлул, райондалул библиотекалул зузала Аьлилова Шавлухълул, ЧIяйннал школалул 10-мур классрал дуклаки оьрчI Амиров Апаннинал, 7-мур классрал дуклаки оьрчI ХIамзаев Камиллул. Вайннал студентътуран чIа куна цIуллушиву, цивппа чув бухьурчагу, буттал кIану хъамакъабитаву, лакку маз буруччаву.
Ихтилатру бувна цала студентътуралгу.
СалихIат Алхасова, ЧIяйннал магьирлугърал къатлул хъунмур