Дагъусттаннал МВД-лул УРЛС-рал (Управление по работе с личным составом) дунни пишакаршиврул даража ххал бигьлагьисса «Лучший по профессии» тIисса республикалул конкурс.

Конкурсрай гьуртту хъанахъими ххал бунни гьарица чулуха. ХIасиллайн бувну, 1-сса кIану бувгьунни УМВД-лул ППСП-лул зузалтращал­сса даврил отделданул хъунама, полициялул подполковник А.С. Аьлиевлул, 2-сса кIану – Серго­къалаллал райондалул ОМВД-лул отделданул хъунаманал кумагчи, виваллил къуллугърал подполковник Н.Г. Агъабековлул, 3-мур кIану буллунни Нугъайннал райондалул ОМВД-лул отделданул хъунама, подполковник К.Ю. Аьбдулкаримовлун.
ХьхьичIунсса кIанттурду бувгьусса зузалтран буллунни дипломру. Республикалул конкурсрай ххув хьума гьантIиссар апрель зуруй хьунтIисса Щалагу Аьрасатнал конкурсрайгу гьур­тту хьун.

Лажин хIадур дурссар
Андриана Аьбдуллаевал