[dropcap]А[/dropcap]ьрасатнал Экономикалул министерствалий, 2016 шинал октябрьданий, моношагьрурдай ччясса мутталий маэшат лахъ бансса кIанттурду дузал ва зузи баврил масъаларттан хасъсса Комиссиялул батIаврий хъин чулий ккарккун дур ДР-лул Минэкономразвитиялул хIадур дурсса ДР-лул заявка. Заявкалий ччясса мутталий маэшат лахъ бансса кIануну (территория опережающего социально-экономического развития (ТОСЭР) ккаккан бувну бивкIссар Каспийск шагьру.
[dropcap]Г[/dropcap]ьашину мартрай АьФ-лул ХIукуматрал кьамул бунни ччя­сса мутталий маэшат лахъ бан­сса кIануну Каспийск дузал баврил хIакъиравусса хIукму. ТОСЭР – му кIанттул ца бутIар, ишбажаранчишиврул ишир­ттал ляличIисса ихтиярдал низам дирхьусса 10 шинал му­тталийсса. Закондалийн бувну «Каспийск» ТОСЭР-данул аьрщарай бучIиссар 7 журалул ОКВЭД дуллан: дукиялул сурсатру, тIаннул затру, мебель личIаннин, резиндалул ва пластмассрал затру, мах хIала дакъа­сса минерал затру, машинартту ва миннунсса кьай-кьуй, мебель, чIумуйсса яхъанан­сса кIанттурду буллан.
«Каспийск» ТОСЭР-дану­вунсса капитальный вложениярттал яла чансса лагру дикIан аьркинссар 5 млн. къуруш, ми­ккусса цIусса зузи кIанттурду – 20 инсаннансса.
Аьмну лавсун «Каспийск» ТОСЭР дузал баврийну 2025 шинайннин дузал хьун аьркинссар 3 азаруннияр ххишаласса цIусса зузи кIанттурду ва дучIан 17 млрд. къуруш инвестициярттал.

ХIадур бувссар
ХI. Аьдиловлул