[dropcap]В[/dropcap]ай гьантрай Дагъусттаннал ФСИН-лул управлениялий хьунни 9 зуруй дурсса даврил хIасиллу дуллалисса коллегиялул заседание.

Му дачин дурну ия Да­гъусттаннал УФСИН-лул хъунаманан кIанайсса виваллил иширттал полковник Николай Сангаджигоряев.
Шикку ххал бивгьунни республикалул пенитенциар системалуву хьунабакьлакьисса масъалартту ва кIицI лавгунни уттиния тихуннай дуллантIисса давуртту.
Республикалул УИС-рал идарарттал 9 зуруй дурсса давурттал хIасиллу дуллалисса ихтилат бунни организационно-аналитический отделданул хъунмур, виваллил служба­лул полковник ПатIимат НурмахIаммадовал. Цила ихтилатраву ванил кIицI лавгунни УИС-рал идарарттал даврил ккаккияртту ва диялдакъашивуртту, бувсунни утти­ния тихунмай хьхьичI хху­ттайн лавсун щаллу буллан аьркинсса масъаларттая. Ихтилатру бунни цайми отделлал хъуниминналгу. Ахирданий Николай Сангаджигоряевлул бувсунни 9-гу зурул дянив Да­гъусттаннал УИС-рал зузалт цинярдагу ихтиярду дуруччай органнал зузалт­ращал хIала-гьурттуну зий бивкIшиву, мюнпатсса ихтилатру хьушиву граждан обществалул институтирттащал. Заседаниялул хIасиллайн бувну, ччя­сса чIумул дянив кIицI ларгсса диялдакъашивур­тту дукьан дансса маслихIат ккавккунни.
Ихтилатру къуртал хьуну махъ цала давриву ххуй­сса ккаккияртту чIалачIи дурсса зузалтран дуллунни хIурматрал грамотартту, барчаллагьрал чагъарду ва личIи-личIисса бахшишру. Цаппарасса зузалтран дуллунни ларайсса чинну.
Дагъусттаннал УФСИН-лул пресс-служба

ХIадур бувссар
А. Аьбдуллаевал