[dropcap]Р[/dropcap]еспубликалул хъунаманал къуллугъ чIумуйну биттур буллалисса Владимир Васильев муфтий Ахмад- хIажи Аьбдуллаевлущал хьунаавкьунни.

[dropcap]В[/dropcap]ладимир Васильевлул бувсунни , цанма хавар бушиву , республикалий дакьаву, нахIушиву ядавриву Дагъусттаннал муфтийнал хъунмасса бутIа бушиврия ва мунияту хьхьичIра- хьхьичI дансса давурттаву муфтийнащал хьунаакьин пикри хьушиву. Бувсунни Дагъусттаннал хъунаманал къуллугърай цалчинсса давурттив дулланнин муфтийнал маслихIат аьркинну бушиву.АхIмад- хIажи Аьбдуллаевлулгу бувсунни дагъусттаннал агьали рязийну бушиву, гьаманки Владимир Васильевлуйн Дагъусттаннал БакIчишиву дуван вихшала даврия. «Жу рязийну буру билаятрал Президентнал Дагъусттаннал хъунаманал къуллугърайн вил цIа рищаврий, хIурмат бусса Владимир Аьбдуаьлиевич, урчIцIалку шиннардий , дагъусттаннал агьали ца хьуну ватан дуруччин гьаз хьусса чIалай, Владимир Владимировичлул уквкуссия цанма Дагъусттангу , дагъусттанлувталгу хъиннува ххира хьунни куну. Жу мукьахунмайгу ххуйну зун дакIний буссару, ттула чул бувгьуминнахьгу на укуна тIий ура» — увкунни республикалул муфтийнал.

П. Рамазанова