Дагъусттаннал БакIчи Рамазан АьбдуллатIипов гьуртту хьунни Аьпалул ва дягъулул кьинилун хасъсса давурттавух.

Буттал кIанттул цIанийсса Хъунмасса дяъви байбивхьуну 76 шин шаврил лагрулий Дагъусттаннал БакIчинал паччахIлугърал структурарттал, ведомстварттал вакилтуращал, культуралул, элмулул ишккаккултращал цачIу МахIачкъалалив Университетрал майданнив увкунни дяъвилул шиннардил балайрду: «Мубараксса дяъви» («Священная война»), «Кьурукьру» миллатирттал мазурдий, «Ххувшаврил Кьини». Муния махъ Лениннул комсомолданул паркираву тIутIив дирхьунни Аьраличу – тархъанбувул гьайкалдануцI. Миккува махъ лавхъунни Рамазан АьбдуллатIиповлул.
Жагьилсса ник Ватан ххирану тарбия даврил ххуллий бивхьусса захIматрахлу ДР-лул БакIчинал АхIмад-Хан Султаннул цIанийсса медаллу дуллунни Хъун дяъвилул ветеран Аьлил СантIуевлун, краеведтурал телевидениялул кьюкьрал командир къуллугъ кьабивтсса генерал-майор Оьмар Муртазялиевлун, ТОКС-рал координатор ва МахIачкъалаллал дуккаврил управлениялул хъунама ТIагьир Мансуровлун ва цайминнангу.

ХIасан Аьдилов