Аьрасатнал Пенсиярттал фондрал Дагъусттанналмур отделениялул хъунаману ивтунни МахIаммад Исяев. Февральданул 1-нний цIусса каялувчи ккаккан унни ведомствалул зузалтран.
ХI. Аьдилов
Мероприятиялий гьуртту хьунни Аьрасатнал Пенсиярттал фондрал ревизиялул комиссиялул председатель Игорь Белистов, ДР-лул ХIукуматрал Председатель Аьбдуссамад ХIамидов, республикалийсса хъуна-хъунама федерал инспектор Василий Колесников, ДР-лул ХIукуматрал Председательнал 1-ма хъиривчу Анатолий Карибов ва цаймигу.
БавтIминнал бувсунни МахIаммад Исяев лавайсса даражалул пишакар ушиву ва ганан чIа кунни давриву тIайлабацIуртту, зузалтран тIурча ганал каялувшиврулу ххуйсса ккаккияртту хьун дуллалаву.
Январьданул 31-нний Дагъусттаннал БакIчи Рамазан АьбдуллатIиповлул ХIукмулийну МахIаммад Исяев мурахас увну ивкIссар республикалул туризмалул ва халкьуннал касмурдал министршиврияту.
