ДР-лул Связьрал, энергетикалул ва транспортрал министерствалул 2016 шинал дурсса даврил хIасиллайн бувну, жулла региондалийсса 98% агьалинал щаллу бувну бур телевещаниялул.

И. Саидова
Министерствалул бусаврийн бувну, Дагъусттаннал республикалий байбивхьуну бур «Развитие телерадиовещания в Российской Федерации на 2009-2018 годы» тIисса цIакусса федерал программалул лагрулий цифровой вещание даврил хIакъиравусса строительствалул давуртту дуллай. Ва прог­раммалул лагрулий Дагъусттаннал республикалий аьмну буван кка­ккан бувну бур 164 объект, миннува 162 бувну къуртал бувну бур.
Цифровой вещание ккаккан дуллай дуссар DVB – T2 лагрулий. Ва вещаниялий агьалинаща бюхъантIиссар ххал дуван цалчинмур ва кIилчинмур мультикомплексравун духлахисса аьм­сса Аьрасатнал телерадиоканаллу (20 телепрограмма ва 3 радиоканал).
Республикалул 5 шагьрулий зузи дурну дуссар кIилчинмур мультикомплексрал цифровой телевидение.
ДР-лул Связьрал, энергетикалул ва транспортрал министерствалул телекомпаниярттащал цачIуну бувчIуссия кIилчинмур пакетрал цифровой каналлал пакет зузи бувансса республикалул шагьрурду. Ва сияхIравун багьлай буссия 50 азарунния ливчу­сса агьали ялапар хъанахъисса шагьрурду. Мукунсса давур­тту дурссия МахIачкъалалив, Каспийскалий, Хасавюртрай, Буйнакскалий ва Дарбантлив.
Мультикомплекс хъанахъи­ссар каналлу дусса пакет. Цалчинмур мультикомплексравун духлахиссар Цалчинмур канал, Россия – 1, Россия – 2, НТВ, Петербург – 5 канал, Россия – К, Россия – 24, Карусель, Общественное телевидение России ва ТВ – центр каналлу.
КIилчинмур мультипакетравун духлахиссар РЕН-ТВ, СТС, Домашний, Спорт, ТВ-3, Спорт плюс, Звезда Мир, ТНТ, Муз-ТВ ва СПАС каналлу.