ММА-рал Аьрасатнал цачIундур командалуву ккаккан бувну бивкIсса дагъусттанлувтурал ларсунни циняв мусил медаллу дунияллул чемпионатрай. Дунияллул чемпионат хьуссар ноябрьданул 25-нния 27-ннийнин Китайнал Макао тIисса шагьрулий.

Аьрасатнал командалувусса Дагъусттаннал спортсментал бук­лай бивкIссар жулла республикалухлугу. Аьрасатнал цайми регионнахлугу. Чемпионатрай кка­ккан дурну диркIссар арулла журалул чурххал кIушиврул категория, миннуву ххув хьуну бур Оьмар НурмахIаммадов (61,2 кило, Москав), Кьурбан Тайгибов (65,8 кило, Ленинградуллал область), Мурад Рамазанов (70,3 кило, Москав), Аьли­баг Расулов (77,1 кило, Да­гъусттан), ХIамзат ХхирамахIаммадов (84 кило, Москав), МахIаммад Анкалаев (93 кило, Дагъусттан), Амирхан ИсахIажиев (93 кило, Москав).
ХIамзат ХхирамахIаммадов ва МахIаммад Анкалаев хьуссар кIийла дунияллул чемпионтал.