Ноябрьданул 4-нний , Агьалинал цашиврул кьини байбивхьуну бур «Буручлай буру бюхттулсса билаятрал культуралул ирс» тIисса Аьрасатнал сморт-конкурс. Му лахъи лаган тIий бур 2017 шинал апрельданул 28-ннийнин. Мунил сакиншинначи хьуссар АНО «Молодежные инициативы», кумагчину хьуссар «Росшкола: все для образовательных учреждений» тIисса Федерал проектрал генеральный партнер.
ХIасан Аьдилов
Конкурс буллалиссар Аьрасатнал халкьуннал миллатирттал аваданшиву сахла даву ва машгьур даву мурадрай мукунна оьрчIавун ва жагьилтуравун билаятрал культура лахьхьаврил гъира бутаву мурадрай.
Конкурсрайнсса давурттуну хъанахъиссар миллатирттал балайрдащалсса, къавтIавурттащалсса, назмурдащалсса видеороликру, ми дикIан аьркинссар гьурттучунал миллатрал мазрайсса.
Конкурсрайнсса заявкарду ва давуртту кьамул дуллантIиссар гьашину ноябрьданул 14-нния ялунчIил апрельданул 10-нийн.Ми тIайла дуккан аьркинссар сакиншинналул комитетрал сайтрайн – «Сохраняем культурное наследие великой страны» www сохраняем наследие РФ (www.сохраняем наследие.РФ) Конкурсраятусса информация кIул бан хьунтIиссар сайтрайхчилгу, ва телефондалувух оьвкунугу + 7 (499) 110-52-07.
Давурттансса кьимат бищунтIиссар агьалинал чIурду булаврил хIасиллайну. Конкурсрай гьуртту хьун бюхъайссар авторнаща ва творчествалул коллективирттаща.
