Ноябрьданул 23-нний ва 24-нний Къарланюртуллал спортрал къатраву хьунни дзюдорал Аьрасатнал жагьилтурал ва душварал турнир. Тикку гьуртту хьунни 16 команда билаятрал личIи-личIисса регионнаясса, чIаххувсса билаятирттаясса ва республикалул шагьрурдаясса ва шяраваллавасса.

Турнир тIитIаврийн Къарланюртлив бувкIун бия Аьрасатнал дзюдорал федерациялул вице-президент Валентин Хабиров, СКФО-рай спортрал давуртту сакин даврил департаментрал каялувчинал хъиривчу АьбдурахIим Эльдарханов, ДР-лул дзюдорал федерациялул президент Шарухан Аьбдулатиров ва цаймигу.
Турнир тIитIаврий махъру лавхъунни райондалул администрациялул бакIчинал хъиривчу Загьир Боташевлул, ДР-лул спортрал министрнал хъиривчу Зайнал Салауттиновлул, Къарланюртуллал шяраваллил бакIчи Салавдин Маммаевлул.
Турнирданий цалла-цалла чурххал кIушивурттай ххув хьунни М. Мурадян (Азирбижан), М. Биаьлиев (Къарланюрт), Х. Давлетмурзаев (Хасавюрт), Д. Ххачаев (Къизилюрт), А. Василченко (Нефтекумск), М. МахIаммадов (Къизилюрт), И. МирзахIасанов (Нефтекумск). И. Багбатов (МахIачкъала), Б. Исламов (Къарланюрт), Ш. МахIаммадов (Каспийск), М. Халидов (Хасавюрт), Д. Саламов (МахIачкъала), М. Аскаров (Хасавюрт), Н. Имранов (Азирбижан), Ю. Юсупов (Къарланюрт), Д. Салаватов (Къарланюрт).
Ххув хьуминнан ва хьхьичIунсса кIанттурду бувгьуминнан дуллунни медаллу, дипломру ва дакIний личIулунсса вымпеллу.
ХIадур бувссар
ХIасан Аьдиловлул