1612 шинал ноябрь зурул 4-нний Минин ва Пожарский каялувшиву дуллалисса халкьуннал ополчениялул Москав шагьру мурахас бувссар гъарачитурая. Ва кьини Халкьуннал Цашиврул байранни.
1943 шинал ноябрь зурул 6-нний немецнал чапхунчитурая Киев мурахас бувссар совет аьралуннал. Ва кьини Ватандалул аьралий тарихраву бюхттулсса кьинир.
1941 шинал ноябрь зурул 7-нний ЯтIул Майданнив фронтрайн нанисса аьралуннал парад хьуссар, му кьинигу Аьрасатнал аьралий савлугърал кьинир.
1918 шинал ноябрь зурул 11-нний Дунияллул цалчинмур дяъви къуртал хьусса кьинир. Союзниктуращал архIал ххувшаврил хъунмур хъар дагьссар оьрус саллатIтурайн.
Вара кьини, яъни ноябрь зурул 11-нний, 1480 шинал Золотая Ордалул хан къасивсуссар Великий кIинияз Иван III-нал аьралуннащал данди уккан, Угралийсса талатаву къуртал хьуссар Оьруснал паччахIлугърал тархъаншиву цIакь даврийну.
1942 шинал ноябрь зурул 19-нний СталинградрачIа гьужумрай бувкссар жулва аьрал, ва кьини ккалли дувайссар ракетный аьралуннал ва артиллериялул кьинину.
1904 шинал ноябрь зурул 26-нний Япониянащалсса дяъвилуву Порт- Артур къалалучIа оьруснал гарнизон кьянкьану дарцIусса, Аьрасатнал аьралий тарихраву яргсса чичру кьариртсса кьинир.
ХIадур бувссар
П. Рамазановал
