ЗАЙДУЛ ДУШ БУТТАЕВА МИЯСАТ
Уттигъанну дунияллия лавгунни ххаллилсса хъамитайпа, уздансса агьлу-авладрал душ, Ккурккуллал шяравасса Буттаева Миясат (Бича) Зайдиевна.
Миясат бувну бур 1932 шинал сентябрь зурул 25-нний Ккурккуллал шяраву. Школагу къуртал бувну, 1946-ку шинал бувххун бур Дагъусттаннал медициналул училищалувун, мунияр махъ, 1949-ку шинал – Дагъусттаннал медициналул институтравун. Цаппара шиннардий зий бивкIун бур протезру байсса мастерскойлуву.
1963 шинал Миясатлул къуртал бувну бур Ленинградрай ца шинайсса врачебно-трудовая экспертизалул курсру. Мунияр махъ, 1964 шиная байбивхьуну 2002 шинайн бияннин ва зий бивкIун бур МахIачкъалаллал Медико-социальный экспертизалий хIакин-хирургну. Ва даврийсса чIумал кIулгу хьуну, бусрав хьуну бур ва чIявучин. Шикку зуз
исса шиннардий Миясатлул кумаг бувну бур мушакъатшиврул пенсия бишин багьлагьисса чIявусса инсантуран.
Миясат бия хIал бавкьусса, дакI аьчухсса, гьарнащал цаха-цахава лавхьхьуну ихтилат бан кIулсса, гъан-маччанах ччаву дусса инсан.
ХIурматрай бикIайва чIахху-чIарахначIа ва архIал зузиминначIа.
Махъгу цикссагу инсантал хьунабакьайва, цила чIумал Миясатлул кумаг бувну, мунийн барчаллагьрайсса. Миясатлун хъинну ххирая буттал шяравалу. Бигьалаган курортирттайн, санаториярттайн гьансса каши дунура, гьарица отпуск буттал шяраву гьан дайва.
Миясат аьпалул шаврил кьурчIишиву кIидачIлай, жижара буллай буру душнихь, душнил оьрчIахь, махъсса гъан-маччанахь. Цил рухI алжаннул ххари даннав, гьав нурданул дуцIиннав.
Ккурккуллал жямат
АьбдурахIманнул арс Тумалаев Марат
Август зуруй оьзру хьуну, щинавун оьвкьун, дунияллия лавгунни СумбатIуллал шяраватусса АьбдурахIманнул арс Тумалаев Марат.
Увссар му 1963 шинал. Ваччав школагу къуртал бувну, дуклан увхссар Ростов шагьрулийсса, муххал ххуллул транспортрал инженертал хIадур байсса институтравун (уттисса РГУПС). Институт къуртал байхту, най унува мастерну итлай ухьурчагу, цалла даву цал ххуйну лахьхьин ччай ура тIий, Марат зун айивхьуссар Артезиан тIисса поселокрай монтерну. Муния махъ личIи-личIисса къуллугъирттай зий ивкIссар, 90-ку шиннардий зий ивкIссар Къизлардал муххал ххуллий хъунаманал хъиривчуну. Ци даврий зурчагу, даву ххуйсса даражалий дувайсса, даврил мухIлу-хIин ххуйну кIулсса, коллективраву бусраврайсса инсан уссия Марат. Ххаллилсса пишакар акъагу, му уссия дакI-аьмал хъинсса, халкьуннан хъинмур буван анавар уккайсса, шяраваллил жяматрал, гъан-маччанал чIарав ацIайсса инсан.
Марат дунияллия лагаврил кьурчIишиву кIидачIлай, жижара буллай буру мунал кулпатрахь РахIимахь, арснахь Русланнухь, душваврахь Маяхь ва Лаурахь, уссурваврахь Нариманнухь ва Нуруттиннухь, буттарссу КIукIуйхь, нитиуссихь ва ниттилссурваврахь, циняв гъан-маччацириннахь. Маратлул рухI хъинний дишиннав, Алжаннул ххари уваннав! Мунан къабуллумур оьрмулул бутIа наслулун ххи бувну лякъиннав!
СумбатIуллал жямат
Уттигъанну, сентябрь зуруй, хархавар бакъа дунияллия лавгунни чIярусса шиннардий Вихьуллал школалий директоршиву дурсса, чIявусса оьрчIан кIулшиву дуллусса, ххишала акъа цума-цаннащалгу хIал бавкьусса, узданшиврул увцIусса,
Чупанов Зайнуттин
Зайнуттиннул хIурмат лавайсса бия архIал зузиминнал, дуклаки оьрчIачIал дянив, Вихьуллал жяматрал дянив.
Зайнуттиннул бивкIулул кьурчIишиву кIидачIлай, жижара буллай буру кулпатрахь, гъан-маччанахь, щалагу Вихьуллал жяматрахь. Цал бунагьирттал аьпа баннав, рухI хъинний дишиннав.
Каспийск шагьрулий ялапар хъанахъисса вихьуллал цIанияту Шагьнаваз ва Жяъпар
