Июль зурул 1-нний Дагъусттаннал Чичултрал союзрай хьунни Лакрал секциялул ирглийсса заседание.

Секциялул каялувчи Супиян Оьмаровлул, кIилчинмур кварталданий дурсса давурттал хIасиллугу дурну, кIилчинмур дачIи шинай дуллансса давурттая бувсунни. Ванал бусласимунийн бувну, дан ккаккан дурну дур лакрал чичултрал Юсуп Хаппалаевлул, Абачара ХIусайнаевлул, Сибирбаг Кьасумовлул ва Аьвдуссалан Магьдиевлул юбилейрду.ЦIакь дан куну бур 2027-ку шинал Дагъусттаннал луттирду итабакьай идаралул пландалийн бичинсса автортурал сияхI.
Заседаниялий мукунма гьаз бунни секциялувун бухлахиминнал аттестация даврил масъала.

Шиккува шадлугърал тагьарданий буллунни Аьрасатнал Чичултрал союзрал членталну кьамул бувну бушиврул билетру шаэртал Ххадижат Цаххаеван ва Жанна Аьлиеван. Вай барча буллалисса ихтилатру бунни Супиян Оьмаровлул, Шалласу Шалласуевлул, Мирза Давыдовлул, Хизри Илиясовлул, Булбул Оьмариевал, Ханича Аьлиевал, Аьвдуссалан Магьдиевлул. Ххадижат Цаххаевал дакIнийхтунусса барчаллагь увкунни творчествалул ххуллий цила чIарав бавцIуминнахь.

Андриана Аьбдуллаева