Дагъусттаннал ХIукуматрал председатель МахIаммад Рамазанов цIунилгу увкIунни Мамедкъалалив, къатрацIа хьусса кулпатирттан цIусса къатри дуллалисса кIанайн.

КIира нюжмардул мутталий къатри даврил бущи тамансса анавар бувккун бур – хIакьину архIалла дуллай бур виваллил давуртту, лагмасса дузалшиндарал ва инженер сетьру даврицIунсса давурттугу.
Уттинин 52 къатлул гьанурду бивзун бур, чIиртту буллай байбивхьуну бур. Ялапарлувтурал язи дургьуну дур цаннасса къатри, чIумуя-чIумуйн бучIайсса бур ссайн бивну бурив ххал бувангу.
Гьарцагу къатраву бур шанма утту бишай къатта, гьартасса хъун къатта (гостиная), къатрачIан диян дурну дур коммуникацияртту.
Утти ливчIун бур къатрацIун базин газрал турбарду ва дузал дуван лагмасса аьрщи.
Подрядчикнал бакIрайн лавсун бур къатри хIадур дуван августрал бачIи хьуннин.

ХI. Аьдилов