«Илчилул» редакциялул баян бувну буссия ЦIахъардал Къуманиву дацIан дурсса Гьарун Саэдовлул гьайкал цIу дуккан дуллай бушиву.

Ва давриву чIарав бавцIунни Ваччиял жяматгу.Вай гьантрай «Илчилул» редакциялий уссия Ваччиял шяраваллил Гьарун Саэдовлул цIанийсса фондрал бакIчи Давди Увайсов. Жул дянивсса ихтилатрал мурадгу бия Гьарун Саэдовлул гьайкал цIу дуккан даврицIун бавхIусса.
Яларай ришлай буру Гьарун Саэдовлул цIанийсса фондрал чулухасса оьвчавугу.

Гьарун Саэдов, тIайламур тIалав буллай, оьмунийн къарщину талай ивкIссар. ДакI дарцIуну ивкIссар цала дуллалимур ва тIутIимур халкь чаннайн кIункIу буллалисса бушиврий. Гьарун Саэдов миллатрал пахрулунсса инсанни, бюхттулсса аькьлулул заллур, гьунар бусса шаэргур, Дагъусттаннай цалчинсса драма чивчусса драматурггур, публицистгур, «Илчи» кказитрал цалчинма редакторгур. Жагьилсса оьрмулий чувшиврий жула  тархъаншиву ва цашиву дуручлай жан харж дурсса Гьарун Саэдовлул аьпа абадлий личIантIиссар.
Гьарун Саэдовлул гьайкал цIу дуккан давривух ччиманаща гьуртту хьун бюхъантIиссар. ЧIарав бацIансса ният духьурчан баян бувара. Жущара архIал дан къашайсса цичIав дакъассар.

Давди Увайсов, Гьарун Саэдовлул цIанийсса фондрал бакIчи
(тел.: +79285566566)