Итникьини, июнь зурул 22-нний Гъумук Буттал кIанттул цIанийсса Хъунмасса дяъвилия зана къавхьуминнан дацIан дурсса гьайкалданучIа хьунни Хъун дяъви байбивхьусса кьинилун хас дурсса митинг.

Ва кьини 85 шинал хьхьичI байбивхьуссар инсаниятрал тарихраву яла оьттул ттур дуркмур дяъви. Та дяъвилул ливтIуссар 27 миллион совет халкьуннал.
Ваний гьуртту хьуна райондалул администрациялул зузалт ва идарарттал каялувчитал. Митинг дайдирхьуна аьрайва ливчIминнансса гьайкалдануцI тIутIив дишаврия. Муния махъ митинграйн бавтIми ­аьрай ливтIуминнал аьпа­лун ца минутIрайсса пахъ багьуна.

Райондалул бакIчинал хъиривчу Малик ХIусманов:
«Цумур-бухьурчагу дяъви – му анжагъ аьраллу куннийн кув щаву бакъар, инсантурал оьр­мурду, кьадарду ва умудру ппив шавур. ХIакьину жува дакIнин бичлай буру жула дакьаврихлу оь экьибувтIми. Бакъахьунссар билаятрай цавагу кулпат та дяъвилий щавщи къабивну ливчIсса, тай иширттал чулийнмай баччибакъулсса».
Аьралий комиссар Аьли ГъазимахIаммадовлул ялун нанисса никирал яла къалагайсса буржну кIицI лавгунни дяъвилиясса аьпа буруччаву, ватандалул ххуллий жанну дуллусса вирттаврал цIарду хъамакъаритаву, дяъвилул тарих баччан бан къабитаву.
Муния махъ аьрая зана къавхьуминнал рухIирдая бувккунни алхIам.

Зулайхат Тахакьаева