Дагъусттанлув Ися АьбдулхIа­ли­мовлун дуллунни Аьрасатнал Виричувнал цIа (ахиратрал хьуну махъ).
Ва хьуссар Дагъусттаннаясса кьулчинма Виричу СВО байбивхьуния шинмай. Отдельный гвардейский полкрал 177-мур хьхьирил бахьттагьалтрал батальондалул десантно-штурмовой роталул командир Ися АьбдулхIалимов хасъсса аьралий операциялий гьуртту хьуну ур цалчинми гьантрайва. Ва дяъвилул задачартту биттур буллай ивкIссар Мариупольлай, Бердянскалий, Мелитопольлай ва Работинолий. Ккаккан дурсса чувшиврухлу ва виричувшиврухлу лайкь хьуну ур аьралий медальлан ва орденнан. Херсоннал областьрай, Крынки тIисса шяравалу тархъан дуллалисса чIумал Исяйн дирну дур захIматсса щаву, чан-кьанну хъин шайхту ва зана хьуну ур цала къуллугърайн, амма утти Курскаллал областьрайн.
Ися АьбдулхIалимов махъа-махъ талатавривух гьуртту хьуну ур дукIу июньдалий. Сумскаллал областьрал Алексеевка шяраву ва ивкIссар штурмовой ротардай каялувшиву дуллай. Жуламиннал управлениялул кIанттурдайн душманнал артиллериялул гужсса цIу лачIун дур­сса чIумал, хIаписарнал цува каялувшиву дуллалисса кIану къакьабивтун бур. Биту-ххитулуву ванайн хъинну захIматсса щаву дирну дур къюкIличIан гъанну. Исял жан дуллуну дур Виричувнал кунна – ца шаттиралгу махъунай къавхьуну.
ХI.Аьдилов