Майрал 18-нний хьунни Аьрасатнал шяраваллил хозяйствалул министрнал хъиривчув Андрей Разиннул каялувшиндаралусса, видеоконференцсвязьрал журалийсса совещание.
Ваний гьуртту хьунни Дагъусттаннал шяраваллил хозяйствалул ва дахху-ласулул министрнал буржру чIумуйну биттур буллалисса Шамил Рамазановгу. Ва батIаврийсса ихтилатирттаву агьаммургу бия гъараллая Дагъусттаннан бивсса зараллайн багьайсса, хаснурив Дарбантуллал райондалийсса Мамедкъала поселокрайсса Дарвагчай неххал ялттусса ламу бакьин бавриясса. Ва хъанахъиссар райондалул ва поселокрал оьрму багьайсса куццуй бачавриву (ванивух райондалул шяраваллил хозяйствалулмургу) хъуннасса агьамшиву дусса ламу.
Ва даву дуллалиссар тIабиаьтрал баларду хьун къабитаврил ва хьуну махъсса зараллу бухлаган баврицIун дархIусса координациялул даврил ПаччахIлугърал комиссиялул бигарду щаллу баврил лагрулий.
Бадрижамал Аьлиева
