Волгоград шагьрулул лавайми дуккаврил идарарттаву кIулшиву ласласисса Гъанмур Баргъбуккавал билаятирттаясса – Палестиннавасса, Иорданиянавасса, Египетнавасса ва Суданнаясса студентътал Аьрасатнал студентътуращал бувкIун бур тIабиаьтрал апатIрайну зараллу бивсса дагъусттанлувтуран кумаг бан.

«Хъинбала хъинбалану кIура баяйссар. Дагъусттаннал агьалинал Палестиннан бувмур лахълай лахъан къахьунтIиссар. ХIакьину жу дагъусттанлувтуран буллалимур, вайннал жун бувмунил ца чIивисса бутIар. Дагъусттан жул хъунама уссур. Жун щиннияргу кIулссар кьини дуркнал чIарав бацIаврил кьимат. Ччай бур зарал бивсса кIанттурду цIу буккан баврил ххуллий чIиви-хъунсса захIмат жувагу бишин», – тIий ур Волгоградрай дуклакисса Палестиннавасса Ибрагьим.

Цумацагу студентнал кIицI лавгунни цува Дагъусттаннайн увкIун ушиву так ца цахлува акъасса, кьини дуркнал чIарав бацIан хIадурсса щала халкьуннал цIания.
Волонтертал- студентъал зий бур зараллу бивсса кIанттурдай, къатри лекьлурдацIа марцI дуллай, кьяркьарал гьагъ буккан буллай, инсантурачIан гуманитар кумагру биян буллай.
Укун Волгоградуллал студентътурал сипталул личIи-личIисса культурардал ва диннал жагьилтал цачIун буллай бур аьмсса мурадрал – кьини дуркнан кумаграл ка тIитIин хIадурну бушиврул.

Зулайхат Тахакьаева