Дагъусттаннал жагьилтурал иширттал министр Камил Саэдовлул гьурттушинна дунни региондалул бакIчи Сергей Меликовлул каялувшиннаралусса «Единая Россия» партиялул халкьуннал программа щаллу даврил отчетный форумрай.

Мероприятиялий гьуртту хьунни 300-нния ливчусса инсантал. Дурмунил хIасиллугу дурну, ттиния тихуннай регион хьхьичIуннай даву мурадрайсса чаранну ккаккан бунни.
– Ттунма чIалачIисса куццуй, ихтилат хьунни балжисса, тIайласса. Ххюра шинал хьхьичI республика хьхьичIуннай шаву мурадрай агьалинащал хьхьичI ххуттайн ласунмур ккаккан бувну, федерал даражалий гьаз бувну бивкIсса куццуй.

Халкьуннал программалул тIалав дуллалиссар чIалачIисса хIасиллу. ЦукунчIавсса программа программалун къаккаллиссар, му щаллу дуллай бакъахьурча. На барчаллагьрай ура властьрал органнал каялувчитурайн дуллалисса даврихлу. Ца лахъазан лархъун махъ жунма бувчIлачIиссар хъиривмунийн бачин аьркиншиву. Ва даврин тачIав ахир къахьунтIиссар. Ванил мурад мудан жула ватанлувтурал оьрмулул даража гьаз буллалавур, – увкунни Сергей Меликовлул.