АрвахIкьини ДР-лул Халкьуннал Мажлисрал хъунаманал хъиривчу Камил Давдиев увкIунни Лакрал райондалийн тIабиаьтрал апатIирттая бивсса зараллан кьимат бищун. Райондалул бакIчи Зураб Куччаевлул бувсунни райондалийсса тагьардания.
Цаппарасса щархъавунсса ххуллурду ттигу бувану бур транпорт занансса даражалийн буцин.
Техника гьан-дучIан къахъанай, ттукIгу, чанигу бакъа, захIматсса тагьарданий лирчIсса Мукьархъиял махIлалийн бульдозер тIайла дурккун, байбивхьуну бур лахIунттацIа ххуллурду марцI буллай. Архсса щархъал агьалиначIан диян дуллай бур дукия ва чара бакъа аьркинмур.
Камил Давдиевлул барчаллагь увкунни Зураб Куччаевлухь райондалий хIасул хьусса тагьарданух анавархъиндарай къулагъас даврихлу. Тапшур бунни тIабиаьтрал апатIрайну бивсса зараллу бухлаган баврил ххуллийса давуртту итталу дугьан.
Зулайхат Тахакьаева
