Дагъусттаннал шяраваллил хозяйствалул ва бакIлахърулул министрнал цалчинма хъиривчу Шарип Шариповлул дунни республикалий мелиорациялул проектру бартдигьин паччахIлугърал кумаг баврил масъалалун хас дурсса батIаву.

Ваний гьуртту хьунни региондалул аграрийтал, ххал бивгьунни гидромелиорациялул, культуротехникалул ва фитомелиорациялул давуртту бартдигьаврил масъалартту.
Шарип Шариповлул бувсунни 2026 шинал Дагъусттаннай дузал дантIий душиву мелиорациялул сайки 100 проект, 2025 шинал дузрайн дуккан дурну диркIшиву 84.

Кумаг буван ккаккан бувну бур щин дишай каналлу дуккан ва думи цIу дуккан дуван, кIунтIатIи журалул щин дишаву дузал дуван, ттинин къадугьлай бивкIсса хъуру цIунилгу дугьлан ва фитомелиорациялул мероприятияртту дуллан. Пландалий бусса бур 2030 шинайннин дугьлай байбишин ттинин къадугьлай бивкIсса 4-4,5 азарда гектар хъуруннал.

ХI. Аьдилов