МахIачкъала шагьрулул Депутатътурал Мажлисрай хьунни ЖКХ-лул, Промышленностьрал ва транспортрал комитетрал заседание. Ва хас дурну дия чIявусса квартирарду бусса къатраву лифтру инсантуран нигьачIаву дакъа, саргъунну зузи дарил масъалалун.

Шикку гьуртту хьунни Мажлисрал председатель Хиби Аьлиев, Капитал ремонтрал фондрал каялувчи Нажмуттин Ханбалаев, ванал хъиривчу Заур Бахмудов, коммунал къуллугъирттал ва цаймигу организациярттал вакилтал.
Заседаниялий ххал бивгьунни лифтру зузаврил тагьарданул ялув бацIаврил ва агьалинаясса аьрзардал хъирив ччяни буккаврил масъалартту. ЛяличIисса къулагъасрайн ласун увкунни дух хьусса, мугьлат бакъа даххана дан багьлагьисса лифтру дусса къатри. Хьунабакьаврил лагрулий икьрал дунни гьаз бувсса масъалартту ччяни бартбигьаву мурадрай ведомствартту хIала-гьурттуну зун, МахIачкъала шагьрулул агьали лифтирдаясса нигьачIаврия мюхчан бансса чаран цачIу лякъин.
Андриана Аьбдуллаева