Элмулул ва педагогикалул давурттаву лавайсса даражалул пишакартал хIадур бавриву лайкь шаврихлу ва чIярусса шиннардий лажин кIялану дурсса давурттахлу «Дагестанский кадровый центр» тIисса Дагъусттан Республикалул паччахIлугърал пишакаршиврул дуккаврил идаралул каялувчи ТахIманов Мусалан МухIуттиннул арснан баян бунни АьФ-лул Президентнал чулухасса барчаллагь. Мусаланнул ттинин хIалал дурсса наградарттавух дур укунссагу:
ТахIманов Мусалан МухIуттиннул арс увну ур 1960 шинал сентябрьданул12-нний.
1977 шинал хьхьичIунну къуртал бувну бур Буйнакскаллал 9-мур дянивмур даражалул школа, гара шинал дуклан увххун ур Дагъусттаннал паччахIлугърал университетрал экономикалул факультетрайн, 1982 шинал къуртал бувну бур «Планирование промышленности» тIисса сянат язи дургьуну.
1983 шинал сентябрьданийннин зий ивкIун ур Дагъусттаннал янна дуруххайсса фабрикалий захIматрал инжерну (инженер по труду).
1990 шинал мартрайннин – ДАССР-данул Госпландалул экономистну, хъунама экономистну, главный экономистну.
1991 шинал декабрьданийннин – ДАССР-данул Министртурал советрал Экономикалул реформалул хасъсса комитетрал территориярттал самоуправлениялул отделданул хъунаману.
1995 шинал октябрьданийннин – ДАССР-данул Министртурал советрал Рынокрал арарду лядуккан даврил центрданул директорнал хъиривчуну.
1998 шинал июльданийннин – АьФ-лул ПрезидентначIасса паччахIлугърал къуллугърал Аьрасатнал академиялул аспирантну.
1999 шинал августрайннин – Дагъусттаннал паччахIлугърал халкьуннал хозяйствалул институтрал менеджментрал кафедралул хъунама преподавательну.
2000 шинал майраннийн – «Топ-аудит» ООО фирмалул вакилханалул (представительствалул) директорну.
2004 шинал февральданийннин – ДР-лул ХIукуматрал председательнал советникну, ДР-лул ХIукуматрал председательнал секретариатрал каялувчину.
2008 шинал мартрайннин – ДР-лул экономикалул министрнал хъиривчуну.
2008 шинал декабрьданийннин – ДР-лул Халкьуннал Собраниялул Аппаратрал каялувчинал хъиривчуну.
2013 шинал ноябрьданийннин – ДР-лул Президентнал ва ХIукуматрал Администрациялул каялувчинал хъиривчуну, цалчинма хъиривчуну.
2015 шинал апрельданийннин – ДР-лул БакIчинал ва ХIукуматрал Администрациялул каялувчинал хъиривчуну.
2017 шинал февральданийннин – ДР-лул захIматрал ва социал лябуккулул министрнал цалчинма хъиривчуну.
2021 шинал февральданийннин – ДР-лул БакIчинал ва ХIукуматрал Администрациялул сакиншиндарал ва проектидал управлениялул хъунаманал хъиривчуну.
2022 шинал октябрьданийннин – АьФ-лул ФС-лул Госдумалул депутат Д.Н. ХIасановлул кумагчину.
2023 шинайннин «Дагестанский кадровый центр» ГБУ-лул каялувчинал хъиривчуну.
Ванан дуллуссар укунсса наградартту: «Дагъусттан Республикалул лайкь хьусса экономист» тIисса хIурматрал цIа, ДР-лул ХIукуматрал ХIурматрал грамота, Агьали давурттал дузал баврил ПаччахIлугърал къуллугърал лишан, ДР-лул Президентнал цIа чирчусса ссят, АьФ-лул Центризбиркомрал Барчаллагьрал чагъар.
ХIадур бувссар
ХI. Аьдиловлул
